جيت أكتب الشعر ودي أهنيك ..
بحروف جزله.. وأبيات تسواك ..
لكن عجزت اوصف فرحتي فيك..
يوم شفت البشت" عالق بيمناك ..
مبروك عرسك جعل ربي يهنيك ..
وجعل السعاده وين ما رحت ملفاك
مكتوب لي في حياتي " اخليك..
ومكتوب لقلبي العنا" يوم تمناك
مهما يطول البعد ماني بناسيك..
بظل طول الوقت عايش بذكراك..
انت فريد القلب محدن يساويك ..
وشلون بس انساك والطيب مبداك
((انت رفيق الروح والروح تغليك))
وأنت توأمها... وهذا مسماك
دايم حياتي في بعادك تناديك..
وفي قربك تخاف من رب سواك
ودي بشوفك وما انكتب لي ألاقيك
" لكن دعيت الله بالجنه ألقاك "
الرسام02/02/14, 04:48 pm