لا يابعـد دمـعٍ ذرفتـه بفرقـاك
عليك شوف اقصى المعاليق تومي
من قالْ لِك لا غبت عني أبنسـاك
خطرٍ علي لاشق عقبك هدومـي
قلّطتك بقلبي وقلت ألـف حيـاك
منزلـك هـذا حالفـ ماتقومـي
وقهويتك بدم الغلا وقلـت يفـداك
اقدع بعرقي لو عشانك أصومـي
لبيه لو اجرع طعونـك وبلـواك
لبيه لو طير المفـارق يحومـي
لبيه لـو تفنـا حياتـي بذكـراك
لبيه لو خارت قـواي وعزومـي
جابتني الاقدار لي حـد مرسـاك
وخلتني افبحر التوجـد أعومـي
واشغلت دنياي الكريمـه بدنيـاك
واحرمت عيني بالهوى حلو نومي
ببقا على حبك لو الوصل ينعـاك
يكفيني طيفك لا عَرَض في حلومي
عهدٍ على قلبٍ من الشوق نـاداك
ما انساك لو انسا ربوعي وقومي
BesO02/02/14, 06:01 pm